ژار ئو چَرچی
بر اساس برداشتی آزاد از شعر "سفره خالی" زنده یاد پروین اعتصامی
برای مشاهده کلیپ این شعر روی لینک زیر کلیک کنید:
شعر لُری: ژار ئو چرچی( شعر و دکلمه دکتر کیانوش زهراکار)
ها وِ ویرِ مِ، یه تاته چَرچی
غِرّ می هَرد می گوت ها وام همه چی
چی فِرَ توم دار سی هَردِ دارم
دِ گَئن فروشی فِرَ بیزارم
بیایتو مردم چیام بِئینیت
ضرر میکیتو ئر که نِئینیت
مِ جیستیم وِ تِیش و هَلگ ئو وِ دُو
بوُعم گوت وِ می روله نَئن وا دُو
بِئلِش تا رُوئه ناره چیا خُو
چی گَئن فروشَه، دِرُو موئه اُو
وِ رُونِه حِصار دآئم نِشِسی
سَرش ویر وآرُو، دَئس وِ ری پِشنی
اَسِر میاوری دِ چَشیاش چی خی
بُوئم وِش می گوت خیتم نَکو زی
ایما داریمو خدای وارُو سَر
هِنارَس مونَه سی عیما نی کَر
میشنُوعه دَئنموُن، میا وا دیار
شَو نِزیلمون میکَه وِ روزگار
یِئنَن گوت اُ رَئت، نِشِس دِ حُونَه
اَسِریاش میما، هی دونه دونَه
آز دِ قُولیام رَئت نِشِسِم زِمی
دِ چشیام میما اَسِریام چی خی
نَکِنُونِم با یَه چی بی کِردِم
دِلِ بُوعَمِن پِر دِ خی کِردِم
گَئن ئو لَئن می کِم دَ نیرم بُونه
سی یه واز نُوعه ای زَخم کُونه
خدایا بُرّ کِ وِ دای ژارُو
هِنارَسی بُو سی عم دِ بارُو
بساز دونیائی نِدار دِش نُوعَه
دولَمَن ئو ژار هی چی یَک بُوعَه
